استقرار ۲۰ هزار نیروی تاجیک در مرز با افغانستان

در پی پیشروی‌های اخیر طالبان در مناطق مرزی افغانستان، رئیس جمهوری تاجیکستان اعلام کرد ۲۰ هزار نیروی نظامی را در مرز مشترک با افغانستان مستقر می‌کند.

تهران – اقتصاد برتر – ۵ ۱ تیر ۱۴۰۰

استقرار این نیرو‌ها در حالی است که ۱۰۳۷ سرباز ارتش افغانستان اخیرا در پی پیشرفت طالبان در این مناطق به درون خاک تاجیکستان گریخته اند.

امام‌علی رحمانف، رئیس جمهوری تاجیکستان از شماری از رهبران جهان از جمله ولادیمیر پوتین، رئیس جمهوری روسیه و محمد اشرف‌غنی، رئیس جمهوری افغانستان خواسته است تا درباره این مسأله گفت‌وگو کنند. وی همچنین از همسایگانش ازبکستان و قزاقستان نیز تقاضای کمک کرده است.

روسیه نیز طی بیانیه‌ای رسمی وعده داده است در صورت نیاز، برای تأمین امنیت مرزی به تاجیکستان کمک خواهد کرد.

  • فرار سربازان دولتی افغانستان به تاجیکستان

در هفته‌های اخیر، و در پی خروج نیروهای ایالات متحده و هم‌پیمانانش از افغانستان شبه‌نظامیان طالبان شماری از نقاط این کشور را به‌تصرف درآورده‌اند. آنان از جمله کنترل ۶ ولسوالی ولایت بدخشان در شمال افغانستان را به دست گرفته‌اند که با تاجیکستان و چین هم‌مرز است.

پیش از این و طی چند هفته گذشته نیز صدها سرباز ارتش افغانستان برای فرار از نبردهای مرگبار با نیروهای طالبان از مرز عبور کرده بودند و به تاجیکستان پناه برده بودند. این کشور تا کنون با رعایت اصل «حُسن همجواری» مانع ورود سربازان افغان به خاک خود نشده است.

پاسخ دادن